Add to Library

Shikar

16793 Reads

By: Bhagabati Charan Panigrahi
Rating:

ଓଡ଼ିଶାରେ ସାମ୍ୟବାଦୀ ଦର୍ଶନର ପ୍ରଚାରକ ଭଗବତୀ ଚରଣ ପାଣିଗ୍ରାହୀ । ସାଧାରଣ ମଣିଷର ସଂଗ୍ରାମ ଓ ସଂଗ୍ରାମୀର ଜୀବନର ସ୍ୱରକୁ ଗଳ୍ପରେ ଉଚ୍ଚାରଣ କରି ଯୁଗଯୁଗ ଧରି ନିଷ୍ପେସିତ ମଣିଷଙ୍କର ହୃଦୟର ବ୍ୟଥାକୁ ଶବଳିତ କରିଛନ୍ତି । ଶୋଷିତର ପ୍ରତିକ୍ରିୟା ଓ ପ୍ରତିବେଦନ ତଥାକଥିତ ବୁର୍ଜୁଆଗୋଷ୍ଠୀ ଓ କ୍ଷମତାଶାଳୀଙ୍କ ନିକଟରେ ପହଞ୍ଚିପାରେନାହିଁ । ମାତ୍ର ସେହି ସ୍ୱର ସବୁଦିନ ପାଇଁ ଅବଦମିତ ହୋଇ ରହେ ନାହିଁ । ପ୍ରତି ମୁହୂର୍ତ୍ତରେ ନିର୍ଯ୍ୟାତନାର ଶିକାର ଏହି ମଣିଷ ତୁଣ୍ଡ ଖୋଲେ । ତା’ପ୍ରତିକ୍ରିୟାରେ ଭାଙ୍ଗିପଡେ ବୁର୍ଜୁଆର ରାଜସିଂହାସନ; ମାତ୍ର ସାମାଜିକ ନ୍ୟାୟ ପାଇବାରେ ହୁଏ ଅସମର୍ଥ । କ୍ଷମତାଶାଳୀଙ୍କ କ୍ଷମତା ଅଳିନ୍ଦରେ ତାର ପ୍ରତିକ୍ରିୟା ହୁଏତ ଇତିହାସରେ ହଜିଯାଏ; କିନ୍ତୁ ନିଷ୍ପେସିତଙ୍କ ପାଇଁ ତାହା ହୁଏ ସଂଗ୍ରାମର ତୀକ୍ଷ୍‌ଣ ଅସ୍ତ୍ର । ସେଦିନ ଶିକାରୀ ଘିନୁଆ ତା’ ଆଖିଆଗରେ ସ୍ତ୍ରୀ ପ୍ରତି ଅତ୍ୟାଚାର ଉଦ୍ୟମୀ ଔପନିବେଶିକ ଶାସନର ଦଲାଲ୍ ଗୋବିନ୍ଦ ସରଦାରଙ୍କୁ ଦେଖି ଆଦିବାସୀ ମନ ତାର ଜିଂଘାସାରେ ପୂରିଯାଇଥିଲା । ଏହି ଗୋବିନ୍ଦ ସରଦାର ଅନ୍ୟମାନଙ୍କୁ ଲୁଟ୍ କରି, ହତ୍ୟାକରି, ନାରୀର ଇଜ୍ଜତ ନେଇ ହୋଇଛି ସମ୍ପତ୍ତିର ମାଲିକ ଓ ପ୍ରତିପତ୍ତିଶାଳୀ । ପ୍ରତିବାଦର ସ୍ୱର ତା’ ପାଇଁ ଅର୍ଥହୀନ । ନିଜ ଜୀବନର ସୁଖ ସାଉଁଟିବାକୁ ଯାଇ ଅନ୍ୟର ସୁଖକୁ ଲୁଟିଛି । ଘିନୁଆର ସବୁ ଜମିବାଡ଼ି ବି ତା’ ଅକ୍ତିଆରରେ । ଆଜି ପୁଣି ପତ୍ନୀ ଉପରେ ଲୋଲୁପ ଦୃଷ୍ଟି । ନିଷ୍ପତ୍ତି ନେଇ ସାରିଥିଲା ଘିନୁଆ ନିଜ ଭବିଷ୍ୟତ କାର୍ଯ୍ୟପନ୍ଥାର । ବଡ଼ ପୁରସ୍କାର ପାଇବା ନିଶ୍ଚିତ । କ’ଣ ଥିଲା ଘିନୁଆର ନିଷ୍ପତ୍ତି? କେଉଁ ପୁରସ୍କାର ପାଇଲା ଘିନୁଆ? କ’ଣ ପରିଣତି ହେଲା ଶୋଷକ ଗୋବିନ୍ଦ ସରଦାରର? ଏହାର ପରିଣାମ ଜାଣିବା ପାଇଁ ଶୁଣନ୍ତୁ ଭଗବତୀଚରଣ ପାଣିଗ୍ରାହୀଙ୍କ ଏହି ଅନବଦ୍ୟ ଗଳ୍ପ ‘ଶିକାର’